Arey kisi ne mera kaam dekha hi nahi toh?⁣

Arey par log hi nai aaye toh?⁣

Arey par main haar gaya toh?⁣

Arey par main kar hi nai payi toh?⁣

Darr lagta hai yaar…..⁣

⁣

Arey mat aane do logon ko⁣

Ek baar haar kar toh dekho⁣

Ek baar sab gavakar toh dekho⁣

⁣

Bachpan se bas yehi sunte aaye hai ki ‘baccho tumhe bade hokar sabko karna hai impress’⁣

Lekin hame kya pata tha ki likes, comments na milne par sab hojayenge depress?⁣

⁣

Yeh kyu nahi sikhaya ki haarne ka bhi alag hi maza hai,⁣

Haarne par hi toh ayega josh, ⁣

Itni jaan lagakar mehanat karenge ⁣

Ki khud ko hi na rahega hosh ⁣

⁣

Har maa baap aur sikhshak ko yehi kehna chaiye…’Jaa bete jaa jee le apni zindagi’, ⁣

Hume kabhi na hogi tujh par sharmindagi⁣

Haarne our jeetne se zyada zaruri hai siksha⁣

Taaki tum hamesha NIDAR raho chaahe kabhi bhi ajaaye koi kathin pariksha!⁣